[文集] [专题] [检索] [独立评论] [海阔天空] [矛盾江湖] [全版论坛]

独立评论

作者: 张三一言   廣東民族極簡史 2019-02-27 04:39:04  [点击:5463]
廣東民族極簡史

張三一言

【古之南越民族係歷史事實存在;今廣東民族係現實存在。】

[一] 廣東民族
究竟我哋講粵語嘅人喺邊度嚟嘅?
廣東人-越人嘅組成部分:原居民南越民族、俚族、僚族係基礎;加上長期以來大量移入嘅北方漢人,他們與原南越人、俚人、僚人媾成嘅後代共同組成。但係,漢人唔係廣府人嘅唯一來源;如上所說,廣府人嘅基礎係原居民越族,加埋俚族、僚族。

今之粵人之祖係古代越國嘅越人;當時越族同漢族係兩個唔同民族。今之廣東粵人嘅漢族成份基本上係喺秦漢之後先開始逐漸混入;係漢軍男人強姦、情姦越婦女,及後來漢民族移入廣東,同廣東越女成家者嘅後人。
史載宋以前廣東多俚人作亂,到宋時似乎開始融入漢人。中國歷史地圖集作者譚其驤認爲:「自梁自唐,嶺南名爲中朝領土,實際在俚帥之統治下者,垂百餘年雲。此爲俚族之極盛時代。與俚同時雄據粵東者,又有從粵西遷來之僚族,然其勢力殊不及俚族之雄厚。南宋《輿地紀勝》形容衆多漢人移民聚居嘅南雄都仍「有內地之遺風,俗雜夷夏風俗」。甚至時至元代,碑刻都記載「廣東戶口數十萬,瑤、僚半之」。可見,廣東人-越人嘅組成部分:原居民南越民族、俚族、僚族係基礎,加埋長期以來北方入嘅大量漢人。現代嘅廣東人係北方漢人入侵與原南越人媾成嘅後代;呢一結論得到基因證明:廣東人父漢基因,母越基因。

大量嘅漢人在唐末宋初擁入廣東。
唐代嘅北方漢人仍然蔑視廣東,視之為嘅俚僚之地,當時漢人數量仍然唔多。唐代宰相張九齡開月北梅關古道,從此可以比較容易咁通過江西進入嶺南;因而,為唐末五代戰亂大量北方漢人南逃提供有利條件;呢次比以前永嘉之亂人數更浩大,更深入南方。由之,廣東人口喺宋代大增;有資料顯示:到咗太平興國年間(976~984年)到元豐三年(1080年)嘅100年內由92,559戶暴增至579,253戶,足足六倍有突。要注意嘅係呢啲大量嘅漢移民,入粵後,與原北方漢人分道揚鑣,與越人融合成為廣東人。
以上史實說明,古之南越民族係歷史事實存在;今廣東民族係現實存在。

[二] 廣東話
粵語係點樣形成?
粵語,古稱越語,今又稱廣東話,又稱白話,又稱唐話;係漢語中嘅一種語言。
雅言,即夏言,以上古漢語河洛(洛陽)音為準嘅夏普通話。有考證者言:今粵語絕對同雅言大異其趣。
有論者以粵語嘅語音系統反映嘅係唐末至宋初嘅中古音為理據,否定秦軍入南越嘅影響,理據並不過硬,也不符合邏輯。合邏輯嘅歷史事實真相應該係粵語先受秦言影響後受唐宋影響;粵語係南方越語為基礎,繼承秦言、中古漢語嘅語言。
要認識清楚嘅係,係粵言受漢夏普通話-上古漢語、受秦言、受唐宋影響,還係如上各語言係粵語嘅祖宗?有人提出,秦公元前221年率領50萬大軍南下攻百越之戰,領了南越地區,設置了南海郡;公元前214年,占領了西甌之地,設置桂林及象郡兩郡;只係喺沿江流域建立咗零星幾個據點而已,廣大地區仍然係越人天下;漢人趙佗立南越國,自己作爲君主都要著越服行越人習俗,先得到越人服從,漢語影響力有幾侷限可想而知。結論係粵語源於秦朝、秦化越之說不成立。
北宋移入廣東嘅漢人都被同化用廣東話,說粵語嘅群體基本成形而且形成族群意識;以後遷入嘅群體往往唔會被認同爲粵人。
總結:粵語脫離中古漢語於唐末五代;宋代融入壯傣成份並定型;擴張繁衍於明清民國至今。
粵語毋庸置疑係漢語族語言,但如果同侗台語比較,你會有好多意想不到嘅發現。壯族係侗台語中,語言同地理都同粵語最接近嘅分支。

[三] 以獨立保衛香港文化
乜係香港文化?
香港文化係廣東文化喺香港獨特環壞中形成嘅香港式廣東文化。
有論者強調香港本土文化自身價值和特色;其文化觀認爲香港文化並非只有華夏單一來源,而係華夏文化與百越結合後產生同中原華夏文化相異嘅嶺南文化;嶺南文化、殖民地文化及現代文化交融後香港文化先至正式形成。
以現狀作實質定性,今之華夏文化係古代帝皇文化,今之香港文化係現代普世價值文化。
在廣東話基地廣東廣西被缹冬瓜(普通話)侵蝕而瀕臨滅亡嘅現實危機下,香港成為保衛廣東話嘅最後陣地;這一陣地若失,廣東話只有滅亡一途;若成,廣東話還有一片生機。
如何保衛香港文化?
一派認爲堅持一國兩制中嘅香港一制即可以保護香港文化免受大陸同化;呢啲係眼光短錢嘅睇法。事實係,香港既無法守住自己嘅一制,更無法抵禦北方中國嘅侵蝕。另一派香港獨立先係唯一能保衛香港文化之途;呢啲係有政治戰略眼光嘅觀點。

20190227

加跟贴

笔名:     新网友请先注册笔名 密码:
主题: 进文集
内容: